Іх падарунак нам – бясцэнны,
Як птушак спеў, як светлы ранак.
Жыццё для многіх пакаленняў
З вайны прынеслі ветэраны.

Пабудавалі Перамогу
І збераглі для нас Радзіму.
Ды засталося іх нямнога.
Не замятаюць снегам зімы
Шляхі ваеннай маладосці,
Юначых мараў папялішчы,
Сяброў магілы на пагосце,
Палі баёў, дзе кулі свішчуць.

Там памяць горкая блукае.
Імклівы час не лечыць раны.
За смех дзяцей, за квецень мая
Зямны паклон вам, ветэраны.

Нупрэйчык (Плакса) Галіна, г.Клецк