Беларусь мая сягоння: неба чыстае,
Перазвон крыніц, рачная сінь празрыстая,
На абрусе з маслам луста хлеба смачнага,
Мазалі святых далоняў дня ўчарашняга.

Беларусь мая сягоння хлебасольная,
Запаветны родны край, песня вольная,
Працавітых гаспадыняк рукі ўмелыя,
Мова з голосам матулі, шчэ й напеўная.

Беларусь мая сягоння: людзі смелыя,
Маладых вачэй агонь, росы белыя,
Перамог святых салюты, слёзы памяці…
Не згубіць бы гэта ўсё, не спаганіць бы!

Лебядзько Марыя, в. Трылес, Стаўбцоўскі раён