Хай будзе чыстым пачуццё,
Як першы снег у лістападзе,
Хай будзе светлым усё жыццё –
Любоў прысутнічае ў складзе.

І як шкада – імчыцца час,
А мы ніяк усё не можам
Налюбавацца ім хоць раз…
Мо першы снег нам дапаможа

Знайсці ў сябе той дзіўны свет,
Дзе толькі мары і натхненне,
Набыць у дзяцінства зноў білет –
Адчуць крылатыя імгненні?

Узляцець, як птушка, у вышыню,
Расправіць крылы ў паднябессі
І вокам ахапіць зямлю –
Вярнуцца кветкай напрадвесні.

Вярбіцкая Вольга, г. Лагойск