Прачынаюся ад болю…
І ніяк не магу зразумець,
што прымусіла мяне
раптоўна ўсхапіцца з ложка,
можа, гэта кошка,
бо я сніла сябе
ў пацуковым шэрым гняздзе,
шэраю і непрыгляднаю,
як і самі яго насельнікі;
і я зжахнулася:
няўжо і я
такая ж шэрая і агідная,
з такімі ж драпежнымі схільнасцямі;
і ў адначассе схамянулася,
адагнала прэч
гэтую думку;
такая рэч:
пацукі ж таксама,
хоць і вельмі рэдка,
нараджаюцца белымі…
Быць шэраю так не хочацца!

Гасціловіч Зінаіда, в. Подберазь, Валожынскі раён