Мае думкi, як птушкi лятаюць,
Як стрыжы ў небе чэрцяць узор.
Прыдзе час i яны заспяваюць
I пальецца пяшчота ў прастор.

I нiхто ўжо мяне не стрымае,
Не задуе лiхтарык душы.
Калi ў сэрцы жалейка зайграе,
У натхненнi не бачыш мяжы!..

I ў абдымку з лясной цiшынею,
Як з сяброўкаю шчырай стаiш.
Адступае тлума з мiтуснёю.
Зноўку марыш, да зорак ляцiш!

Анатоль Дзянскевіч (Чэрвеньскі р-н)