Без пакаяння няма жыцця.
Яно – адраджэнне душы і цела.
Стану прад Госпадам, як дзіця,
Без ачышчэння душа знямела.

Долу сагнулі зямныя грахі,
І ў зняменні так жыць немагчыма.
Без дапамогі Гасподняй рукі
Я патанаю ў віры бурлівым.

Імкнецца наперад зямное жыццё,
Нясуцца падзеі, імпрэзы, сустрэчы,
Толькі галоўнае, знаю адно –
Вечнасць і шлях да яе чалавечы.

Шчарбакова Валянціна (г. Нясвіж)