Твая душа – параненая птушка,
Імкнецца да святла і да кахання.
Твая душа – параненая птушка,
Бо не адчула радасць пакаяння.
Тваю душу вазьму ў свае далоні,
Сагрэю сэрцам я яе гарачым.
Тваю душу вазьму ў свае далоні,
Няхай яна спявае, а не плача.
Твая душа напоўніцца пяшчотай,
Растане лёд, што сэрца так сціскае.
Твая душа напоўніцца пяшчотай,
І светлы птах твой крылы распрастае.

Тамара Бярэзіна (г.Маладзечна)