Тады душа мая смяецца,
Тады душа мая спявае.
Як толькі добра мне жывецца,
Лёс на гармоніку зайграе.

Надвор’е як на балаў пяць,
Калі ў кішэні грошы ёсць.
Ні грэх і чарачку падняць,
Як толькі ў хату добры госць.

І за сталом ідзе гамонка,
Галоўнае – не перабраць.
Тады злаваць не будзе жонка,
Але й не будзе цалаваць…

Так хочацца, каб быў спакой,
Вяліся грошы у кішэні.
Каб пахла кветкамі, вясной,
Было каханне і натхненне.

Рымашеўскі Геннадзь
(г. Чэрвень)