Мужыкi стаялi хмурыя,
У рэспіратарах усе.
Экскаватар жоўты «Мурамец»
Яму скончыў пакрысе.
Аж да лесу катлаванамi
Поле ўзрыта да пары.
I туды скiдаюць кранамi
«ЛАЗы», «МАЗы», трактары…
Звалка з новенькiх аўтобусаў
І стары сялянскі воз.
Гэтых могiлак на глобусе
Не азначыць час i лёс.
Многа стронцыю i цэзiю
На метале ў той зямлi.
Пахавальнаю працэсiяй
Зверху грэйдэры прайшлi.

Уладзімір Цанунін (г. Вілейка)