Падаруй мне надзею,
Каб жыць.
Час ляціць,
Няўмольна ляціць.
Мне здаецца:
Яшчэ віток –
І зляціць
Мой апошні лісток.
Я хачу
Яшчэ многа зрабіць,
Быць патрэбнай хачу
І любіць,
Я хачу
Яшчэ многа аддаць.
Падкажы, Божа,
Што мне чакаць?
Спазнавала
Не раз я адчай,
Дай цярпення
І моцы мне дай.
А яшчэ
Я малюся за тых,
Хто адрокся
Ад ісцін святых.
Будзь заступнікам,
Не судзі.
Цяжкай хвіляй
Малю: прыйдзі.
На алтар
Хто паклаў жыццё,
Не ўпадзе тых імя
Ў забыццё.

Нічыпаровіч Галіна, в. Магільна, Уздзенскі раён