Старых наведалі бацькоў
Дачка і сын, іх дзеці, ўнукі.
І пахлі зёлкі шашлыкоў,
Каля дзвярэй огонь трашчаў.
Віно лілося тут ракой.
Пра штось хрыпеў шансон з ноўтбука.
Грымелі тосты: «Будзь здароў!»
Паўночы гоман не сціхаў.

А з боку прызбы ўпаў паркан.
Асот папоўз па агародзе.
На студні дах даўно струхлеў.
Здзічэла вішня за акном.
Запаланіў усё дзірван,
Як дзесьці ў лесе на прыродзе.
І шмат гадоў пустуе хлеў.
Глядзіць у дол бацькоўскі дом.

Гасцей матуля правяла,
Рукой махае ўслед машынам.
Ёй хвалявацца і чакаць –
Гаротны лёс яе такі.
Шчаку слязінка апякла:
Ці ўбачыць больш дачку і сына,
Што ў гэты дом гадоў праз пяць
Прыедуць зноў… на шашлыкі.

Нупрэйчык (Плакса) Галіна (г. Клецк)