Я свае таямніцы
У хусцінку звязала,
Памаленьку дайшла,
Дапаўзла да вакзала.

У цягнік пасажырскі
Клунак моўчкі ўнесла.
А яны, мае тайны,
Абярнуліся песняй…

І па рэйках бліскучых
Паплылі перастукам –
Мяне болей не мучаць
Устрывожаным гукам.

Не завіслі ў прасторы,
Не прапалі ў пустыні –
З вамі сёння гавораць,
Свае сэрцы адкрылі…

Гасціловіч Зінаіда, в. Подберазь, Валожынскі раён