Ідуць чарадою
узлёты-падзенні,
сустрэчы-расстанні.
Зіма замятае
лістоты асенняй
чароўнае ззянне.
Сярод мітусні
сваю долю-сцяжынку
з нас кожны шукае,
Але з нараджэння
па волі Гасподняй
яна нас чакае.

Шляхі паласатыя,
лёсы людскія,
адкуль і куды вы?
Хай будзе з вас кожны
змястоўны, прыгожы,
шырокі, шчаслівы.
Хай добрыя справы
запоўняць да краю
пачуцці, памкненні.
Каляднымі зоркамі
ў душах заззяюць
спагада, сумленне.

Нупрэйчык (Плакса) Галіна, г. Клецк