Дзеля каго жыве паэт,
На суд выносіць людзям
Рандэлі, хоку ці санэт?
Каб упрыгожыць будзень!

Ісці ў людзі, несці свет,
Тлумачыць шчасце, долю.
Дзеля чаго жыве паэт?
Даць думкам шлях на волю!

Ляціць у свет душы парыў
І непахіснасць веры :
Пра што і дзе б ні гаварыў,
Яму адчыняць дзверы.

Ён за натоўпам не ідзе,
Жыве суцэльнай мэтай.
Дабро і прыгажосць нясе
Ад мітусні адметнай.

Разумоўская Алена (г. Салігорск)