Мне сніцца сон: я на вайне –
На той – бязлітаснай, апошняй.
Бягу ў атаку – сніцца мне –
Бягу па вытаптанай пожні.

Бягу пад сцягам і крычу…
Страляць не ўмею – не вучылі.
Перамагчы ўсё ж хачу:
Ляжаць не хочацца ў магіле.

Сон хуткі, як і міг жыцця.
(Ляжу пад апаратам «ИВЛ»)
Выводзіць доктар з забыцця.
Крычу… Бягу… Апошні стрэл…

Я не была на той вайне,
І больш на ёй ніхто не будзе.
А за грахі – табе і мне –
ПАСЛАНЫ ВІРУС БОГАМ, ЛЮДЗІ!

Гасціловіч Зінаіда, в. Подберазь, Валожынскі раён