Найважнейшае Божае адкрыццё?
Жыццё.
А што нас хвалюе больш за ўсё
На свеце?
Дзеці.
А чаго не знайсці і не ўкрасці?
Шчасця.
І чаго так баіцца каханне?
Чакання.
А пра што ў нас больш за ўсё выслоўяў?
Пра здароўе.
Што нас кліча да плённай дзеі?
Надзея.
Што мы славім штодзень зноў і зноў?
Любоў.
Да каго мы ідзём без прынукі?
Да ўнукаў.
Хто чакае нас у роднай хаце?
Маці.
Хто і ў будзень нам зладзіць свята?
Тата.
А настрой нам што выспеліць весні?
Песня.
А за што і жыццё аддадзім мы?
Радзіму.
А ў чым мы не ведаем меры?
У веры.
Каго кліча у горы нябога?
Бога.

Зоя Калкоўская (г. Узда)